Online Peshawari Chappal Kharidne ki Guide: Asli Leather vs Synthetic Leather

Introduction: Aaj kal online shopping ka dour hai, aur har doosra banda Peshawari Chappal Online bech raha hai. Lekin masla tab aata hai jab aap ko “Pure Leather” ke naam par plastic ya synthetic material pakda diya jata hai. Orrenza Style ka maqsad apne customers ko sahi maloomat dena hai taake wo sahi faisla kar sakein.

Asli Leather ki Pehchan Kaise Karein?

1. Khushbu (Scent): Asli chamray ki aik makhsoos qudrati khushbu hoti hai, jabke naqli chamray se chemical ya plastic ki boo aati hai.
2. Lachak (Flexibility): Asli leather thoda sakht hota hai lekin waqt ke sath paon ki shakal ikhtiyar kar leta hai. Synthetic leather jaldi phat jata hai.
3. Pani ka Test: Agar aap asli leather par pani ki aik boond dalein to wo usay jazb (absorb) kar leta hai, jabke plastic par pani phisal jata hai.

Orrenza Style ka Miyaar: Hamara brand sirf Full Grain Leather istemal karta hai. Humara manna hai ke aik sasti chappal jo 2 mahine chale, us se behtar hai ke aik munasib qimat wali Premium Peshawari Chappal li jaye jo 2 saal tak chale.